AssalamualaikumWr Wb
WALIYULLAH iku ....
dudu wong sing dhuwur ngélmu agamané, dudu wong sing sholadté mempeng nganti bathuké gosong, uga dudu wong sing jenggoté dowo lan clanané cingkrang.
Waliyullah iku sejatiné wong sing sabakdané takbiratul ihrom ngucap :"sejatiné sholatku, ngibadahku, uripku lan patiku muhung kagem Gusti Allah Kang Murbéng Gesang" banjur masrahaké jiwa lan ragané marang Pengeran.Saking pasrahé marang Gusti Allah nganti ora nduwé rasa kuwatir marang uripé babar pisan. Awit yakin karo adil lan kamurahaning Pengeran.
Yen dolar mundhak, rego daging mundhak, akéh beras plastik, duit negara sing dikroyok koruptor isih marahi sira nesu, kuwatir, was sumelang, wedi ora iso mangan, wedi rejekiné kurang, wedi urip kangélan, sayekti sira durung adrajat waliyullah, nadyan dzikir rina wengi nganti lambému ndowéh lan sholat jengkang-jengking nganti sikilmu lempoh.Nanging yen kabéh kahanan donya ora marahi sira ulap, ora marahi sira nratap, tegesé sira pancen waliné Gusti Allah ing ngalam donya, nadyan sholatmu, pasamu, dzikirmu lan ngamalmu yo mung sacukupé... lan bathukmu yo ora ngapal.
Tidak ada komentar:
Posting Komentar