AssalamualaikumWr.Wb
SANGU SLAMET: "NGATI-ATI lan NGERTI EMPAN PAPAN"Kawit biyen, mbah buyut kita wis paring pepeling, ngati-ngatia ngadhepi owah gingsire jaman.
Mula, saben ana dhayoh pamit utawa ana sanak kadang arep lelungan adoh, mbah buyut ngendika, "Ya wis, nyangoni slamet. Sing ngati-ati!"Bebasan 'kesandhung ing rata kebentus ing tawang, dalane ora mung siji', urip ing ngendi wae saben-saben bisa nemahiciloko kanthi cara apa wae.Salang tunjang antarane panemu, panganggep, lan prilakune wong ngakeh, upamane, bisa dipesthekake tansahtumpuk undhung. Bener durung mesthi pener, salah durungmesthi kalah, becik bisa kuwalik.Urip neng donya kuwi orang mung bab apik lan ala, nanging uga bab bener lan luput, pener lan geseh, bathi lan rugi, pantes lan ora pantes, jujur lan goroh, lan sapiturute. Wis mangkono kodrate, urip kuwi sarwa campur adhuk, tumpang tindhih, ora salawase bisa lurus, malah kepara akeh mlengkunge.Nanging, kaya dene mlengkunge pring, sawektu-wektu pringkuwi bisa lurus nalika kasigar soko wolu utawa sepuluh, banjur kadadekake utawa dipasang dadi reng utawa pager. Pring sing maune mlengkung kuwi bisa lurus nalika kagunakake miturut 'fungsi' lan paedahe, miturut empan papane, diprenahake kanthi ngati-ati. Mangkono uga samesthine manungsa, yen kepengin slamet: tansah ngati-ati lan ngerti empan papan.Ya wis, mangkono dhisik. Andum slamet wae...Maturnuwun ugi manfaat,Rahayu lan sugeng ngayahi kewajiban.
Tidak ada komentar:
Posting Komentar