AssalamualaikumWr Wb
Sugeng Sonten sedhulur-sedhulur kulo sedhoyo ingkang kulo katresnani....Dunyo iki wis tuwo le.....nduk.....Mbokyaho sing sadar, nepak awak delengana githokmu dhewe Kitab suci sing diwaca esih padha, siji Al Qur'an Sholate ujarku ya padha baen, madep kiblat (mustakbilal ka'bah)
Kenangapa esih petenthengan baen......?
Dunyo iki wis tuwo cung......wuk......Mbokyaho sing sadar, ngelus dada usapana raimu dhewe Mung gara-gara bedha nafsirke tembung wedhi karo wedi baen wis rumangsa jumawa, wani nyalahna wong liyan karongafir-ngafirna Kaya-kayaha wis punjul mbun-mbunan olehmu ngaji, kitabmu satumpuk gunung wis diwaca kabeh.Ujar-ujare ilmune Sang Hyang Siji kuwi digelar sak ambane tampah?
Jagat kang gumelar ora kaya kuwe nang.....ning......
Jajalen lungguh sila madep kiblat, tafakur kanthi nang, ning, nung, neng, nong......
Bukaken jagat dumunungmu, nang sajeroning atimu
Takonana maring atimu dhewe, sapa ingsun, sekang ngendisangkan paran ingsun, nganthi tekan arep maring ngendi ngesuk ingsun mulih.
Dunyo iki wis tuwo ki......ni.......Mbokyaho sing sadar, tumungkula lemesana gulumuLamun ana sedulurmu sing gustine, kitabe, lan nabine esih padha. Nanging esih gelem ngafir-ngafirnasedulur liyane.Wis tinggalen baen.Awake dhewe tetep kudu kenceng maring keyakinan sing wis manggon nang ati.Ahlus sunnah wal jama'ah.
(Maa huwa ahlus sunnah wal jama'ah?)
Ya kuwe, apa-apa sing wis ingsun lakoni lan apa-apa sing wis dilakoni para sahabat ingsun.
Tidak ada komentar:
Posting Komentar